Posted tagged ‘lan kooperatiboa’

EUSKAL TXAKUR ARRAZAK

azaroa 30, 2015

Berger_des_PyrénéesBigarren ebaluazio honetan  Euskal Txakur arrazei buruzko proiektua egingo dugu. Bi motatako ekintzak burutuko ditugu. Alde batetik euskal arrazei buruzko erakusketa egingo duzue hormairudi batzuen bidez. Bestetik talde bakoitzak beste taldeei bere arrazari buruzko ahozko azalpena egingo die gelan power point baten laguntzaz.

Proiektu honetarako taldetan arituko gara. Hona hemen lan proposamena:

  • Gela lau taldetan banatuko dugu. Talde horietariko bakoitzari txakur arraza bat egokituko zaio.
  • Ondoko linkean txakurrari buruzko informazioa bilatuko duzue. Beste webgune batzuetako informazioa ere arakatu ahal duzue, berau gero informazio iturrietara gehituta.

TXAKUR ARRAZAK INFORMAZIOA

  • Jarraian, bildutako informazioarekin txantiloia beteko duzue. Informazioa gure hitzekin azaldu behar dugu, helburua denon ulertzeko moduko azalpena ematea baita.

TXANTILOIA

  • Informazioa batutakoan, kartulinazko hormirudia osatuko duzue. Bertan txakur arrazaren informazioaz gain irudiak ere jarriko dituzue.
  • Azkenik ahozko azalpena egiteko power point bat osatuko duzue. Gogoratu power point hau gure ahozko azalpenari laguntzeko tresna dela, eta ez duela bertan informazio guzti-guztia agertu behar, baizik eta ahozkoari lagunduko dioten oinarrizko ezaugarriak.
  • Proiektua gelan burutuko dugu, baina egunero egindakoa Drivera igotzea eta taldekideekin konpartitzea aholkatzen da, horrela etxetik ere lan egin ahal izango duzue, denok batera,  nahi izanez gero.

Animo, eta hiru, bi, bat… LANERA!!!!!

 

 

SOLASALDI LITERARIOAK

Iraila 11, 2015

4. DBHn Solasaldi Literarioei hasiera emateko Iñaki Zabaletaren 110.Streeteko Geltokia aukeratu dugu.

110. STREETEKO GELTOKIASolasaldia urriaren 13an izango da. Horretarako ikasleek ondoko prozedura jarraituko dute:

  • Liburua irakurrita izan behar dugu.
  • Hasteko denon artean liburuaren argumentua berreraikiko dugu, berotzeko asmoz.
  • Jarraian, ikasle bakoitzak liburuan aldez aurretik markatu duen zatia irakurriko du, eta taldeari azalduko dio zergatik aukeratu duen, argudioak emanez. Bakoitzak eskubidea  eta askatasuna dauka nahi duena azpimarratzeko, eta kideek ez dute ezer kritikatu behar. Aukeraketa hainbat arrazoirengatik egin daiteke: arrazoi estetikoak, argumentuarenak, literarioak edo pertsonalagoak.
  • Norbaitek markatutako zatiari buruz zerbait gehitu nahi duenean egin dezake, baina asmoa ez da eztabaida sortzea, baizik eta elkarrizketa.
  • Txandak gorde behar ditugu eta entzuketa aktiboa izan.
  • Inork ez ditu bere iritziak edo interpretazioak inposatuko.
  • Elkarrizketan atzera eta aurrera egin daiteke argumentuan, ez dugu zertan linealak izan behar.
  • Gaitik sahiesten bagara, moderatzaileak (irakasleak) zuzenduko du.
  • Kide guztiek derrigorrez parte hartu behar dute.

Solasaldi literarioen bidez helburu hauek bete nahi ditugu Euskara Departamentuan

1.-Hizkuntza konpetentzia hobetzea, bai ahozkoa (mintzamena landuz), bai idatzizkoa( irakurketaren bidez ).
2.-Irakurtzeko grina eta ohitura sustatzea.
3.-Literaturaz eta irakurketaz gozatzen ikastea.
4.-Elkarri entzuten ikastea.
5.-Ikasle-irakasle arteko harremanak hobetzea eta indartzea.
6.-Solidaritatea eta pentsamendu kritikoa garatzea.
7.-Norbanakoaren estimua handitzea

 

 

PELIKULA MUTUA hipi gelan

ekaina 9, 2015

Irailean IRALEN egon nintzen. Bost aste zoragarri izan ziren, ia ia ahazturik ditudanak. R-700 egiteko aukera izan nuen, hizkuntza gaitasuna gelan lantzeko estrategiak aztertu genituen. Sandorrek, bertoko irakasle batek, IKT-ak hizkuntzetako geletara eramateko hainbat proposamen egin zizkigun.  Bere bloga bisitatzea gomendatzen dizuet, Artatzuinfor izenekoa. Hauetariko bat pelikula mutua grabatzea izan zen. Irudimena, segapotoa eta movie maker programa besterik ez genuen behar

Hasteko argitu behar dut gure ikasle askok eta askok inoiz ez dutela pelikula mutua ikusi, beraz, zer den ez dakite. Bestetik zuri-beltzari molabaiteko mesfidantza diote, normala da, atzo goizean jaiotakoak dira… Baina, harrigarria izan da, zeinen ondo onartu duten HIPI-GELAKO ikasleek proiektu hau egiteko proposamena.

Lehendabiziko egunean pelikula mutu batzuen zatiak ikusi ondoren   ( barre galantak bota zituzten eta “zaharra” denari bere balioa aitortu zioten), beren ezaugarriak aztertu genituen. Sentsibilizaioa primerakoa izan zen, bigarren egunean lanari ekiteko irrikaz heldu baitziren…

Txantiloi batzuk prestatu nituen filmaren gidoia, pertsonaiak eta abarren nondik norakoak zehazteko, eta… lanera!!!

https://i1.wp.com/images.e-deala.com/600070/002.jpg

 

Pelikula mutua- Txantiloiak

Hurrengo OSCARretan alfonbra gorrian egongo al gara? batek daki!

Laster emaitza ikusteko aukera izango duzue.

GUTUN ZOROAK

ekaina 2, 2015

Proiektu hau burutzeko ESKAERA GUTUNA aztertu dugu. Bere ezaugarriak gogoratzeko, egin itzazue ondorengo ariketak

gutuna

 

SAKATU HEMEN ARIKETAK EGITEKO

 

 

Jarraian ORRI BIRAKARIA deritzon teknika kooperatiboa erabilita taldean eskaera gutun zoroa idatzi behar duzue. Orri birakaria egiteko, oinarrizko taldeak osatuko ditugu. Talde bakoitzak gutun aukera bana hartuko du. Jarraian taldeko kide bat gutuna idazten hasiko da “orri birakarian” eta aldamenean duenari emango dio gero, hark ere bere zatia idatz dezan. Horrela jarraituko da guztiek beren zatia idatzi arte. Behin gutuna amaituta, beste buelta bat emango zaio orri birakariari zuzenketak egiteko. Komenigarria da beste batek egin duenaren zuzenketa egitea, ez norberarena. Azkenik, gutuna garbira pasatu.

Baina zer da eskaera gutun zoroa? Bada, jarraian agertzen diren gaietariko bat aukeratu eta jakingo duzue!


A AUKERA NORI: Urkullu lehendakariari

ZER ESKATU: Asteko egunak aldatzeko. Bi lan egun eta bost jaiegun.


B AUKERA: NORI: Hezkuntza Sailburuari

ZER ESKATU: Azterketak kentzeko


C AUKERA: NORI: Rajoy Presidenteari

ZER ESKATU: Ikasleek 200 euroko soldata kobatzeko


D AUKERA: NORI: Gueñeseko alkateari

ZER ESKATU: Udaberrian ikasle alergikoek klasera joan behar ez izatea, eta konbalidatuta izatea.


E AUKERA: NORI: Ingurugiro Sailburuari

ZER ESKATU: Negu eta udazkenari bina hilabete kendu, eta uda zazpi hilabetekoa jartzeko.


 

F AUKERA: NORI: Institutuko zuzendariari

ZER ESKATU: Jantokiko menuan astero elikagai hauek egoteko: hanburgesa, pizza, donutsak, palmerak eta koka-kola


G AUKERA: NORI: Hezkuntza Sailburuari.

ZER ESKATU: DBHko maila guztietan “bideojolasak”deritzon ikasgaia jartzeko.


 

H AUKERA: NORI: Hezkuntza Sailburuari

ZER ESKATUTU: goizeko jolasordua ordu eta erdikoa izateko.


I AUKERA: NORI: Ondoarroako arrantzale kofradiako buruari

ZER ESKATU: arraina ez zaizu gustatzen, eta mesedez arraina beharrean saltxitxak arrantzatzeko eskatu.


 

J AUKERA: NORI: Institutuko ikasketa buruari

ZER ESKATU: Institututan siesta egiteko gela bat prestatu.

 

ELEBERRI MOTAK

apirila 26, 2015
Creative Commons

Irudia: Creative Commons

Bigarren ebaluazio honetan DBH 3. mailako ikasleek eleberri generoari ekin diote. Horretarako “Group Investigation” teknika kooperatiboa erabili dugu gelan.

Lehenik gaia zatitu egin dugu: eleberri mota desberdinak aztertuko ditugu, gero, talde orokorra azpitaldeetan banatzen da, talde horietariko bakoitza eleberri azpigenero batean “aditu” bihurtuko da. Talde bakoitzak egokitu zaion eleberri azpigeneroa aztertu beharko du, eta power point bat sortu, gela guztiarekin partekatzeko. Garrantzitsua da irakasleak informazioa nondik atera behar duten zehaztea, ikasleak gal ez daitezen; baita power pointa egiteko jarraitu behar duten txantiloia ematea ere, talde guztietan antzeko egitura jarraitzeko.

Taldeak egokitu zaion azpigeneroaren ahozko azalpena egingo du gelaren aurrean, eta aurkezpena blogean jarriko da etxetik ikasi ahal izateko.

Teknika hau oso eraginkorra da proiektu konplexuak eraikitzeko eta elkardependentzia positiboa indartzeko. Gainera, modu naturalean lantzen diren konpetentzia orokorrak hauexek dira: komunikazio eraginkorra, elkarrekintza, sintesirako gaitasuna, asertibitatea, entzute aktiboa, eta loturak egiteko gaitasuna.


%d bloggers like this: