ARAZO-EGOERA: NIRE IZENA ………… DA ETA HARRO NAGO!

Posted apirila 20, 2018 egilea: ERETZA BERRI IKASTETXEAREN DBHko EUSKARA DEPARTAMENTUKO BLOGA
Kategoriak: AHOZKOA, arazo-egoera, DBH 2.MAILA

Tags: , , ,

Gaur aurkeztuko dizuedan proiektua ez da berria. Orain dela laupabost urte ere burutu baikenuen. ( Bilatzailean NIRE IZENA… jarri eta aterako zaizue)

Garai hartan ez genuen “arazo-egoera” kontzeptua erabiltzen, baina gure errealitatean sarritan gertatzen zen arazo baten aurrean geunden: ikasleen arteko goitizen iraingarriak.

Goitizenen gaia ez da berria, seguru nago zuen ikasleen artean ere askotan gertatzen dela, eta ez dakit zergatik, baina urtero edo ia urtero errepikatzen da…Bada, garai hartan proiektu polita atera zitzaigunez, eta neurri batean behintzat, goitizen iraingarrien aferarekin amaitzea lortu genuenez, aurten ere, gelara eraman dugu arazoa sortu bezain laster.

Gaia planteatu dugunean, betiko egoera agertu da: batzuek hainbesterako ez zela esaten zuten, beste batzuek goitizenak txantxetan esaten direla zioten, beste batzuek disimuluan gustatu egiten zitzaiela… eta beste batzuk isil-isilik geratzen ziren…Baina egia aitortu behar badut, lanean serio eta gustura aritu direla esan behar dut.

Proposamen didaktikoan ikusi ahal izango duzuenez lana bi modutan aurkezteko diseinaturik dago. Alde batetik idatziz autobiografia zati baten eran; eta bestetik, ahoz, audio batean grabaturik edo taldearen aurrean irakurrita. Aurtengo ikasle guztiek taldean irakurtzea erabaki zuten, eta benetan momentu magikoa gertatu zela esan behar dut, oso bizipen intimoak kontatu dizkiogulako elkarri.

Hona hemen proposamen didaktikoa eta jarraian lanaren emaitza idatzia. Badakizue inolako arazorik gabe erabili, deskargatu, kopiatu eta gozatu ahal duzuela. On egin!

SAKATU HEMEN PROPOSAMEN DIDAKTIKOA IKUSTEKO .Arazo egoera goitizenak

 

 

 

Advertisements

ARAZO-EGOERA: ESAERA ZAHARRAK

Posted martxoa 13, 2018 egilea: ERETZA BERRI IKASTETXEAREN DBHko EUSKARA DEPARTAMENTUKO BLOGA
Kategoriak: DBH 2.MAILA

Tags: , , , , , ,

2017-2018 ikasturtearen erdialdean gaudela konturatzen naiz aurten ez dugula inolako sarrerarik idatzi. Honek ez du esan nahi gure ikasleak beti bezain zintzo lanean ibili ez direnik; alderantziz, gehiago da irakaslearen nagikeria beren lanak partekatzeko orduan. Nagikeria edo beste gauza batzuei eman behar zaien lehentasuna, nork daki.

Baina, beno… orain lankide batzuk beren oposaketetako ARAZO-EGOEREKIN eta unitate didaktikoekin zoraturik dabiltzanez, 2. DBHn egin berri duguna zuekin eta haiekin partekatzeko beharra sentitu dut.

Lan xumea da, sinplea, erraza eta gelara eraman daitekeena. Eta egiazkoa, hori da inportanteena, gelako errealitatean oinarritutakoa, eta eguneroko errealitatean egindakoa.

Nahi duenak eskuragarri du erabiltzeko, errepikatzeko eta komentatzeko, baimenik eskatu gabe. Ezagutzen nauenek badakite-eta zein den nire eguneroko leloa: “Eman eta zabal zazu”. Hona hemen, hortaz,  arazo-egoeraren planteamendua lehenik, eta ikasleek egindako lanak jarraian. Disfruta itzazue!

Arazo Egoera. Esaera Zaharrak ( EGIN KLIK IRAKURTZEKO)

 

 

 

 

 

 

 

 

 

 

 

 

KAIXO 6. MAILA!!!!!!!!

Posted martxoa 31, 2017 egilea: ERETZA BERRI IKASTETXEAREN DBHko EUSKARA DEPARTAMENTUKO BLOGA
Kategoriak: DBH1.MAILA

Tags: ,

1. mailan aurten ere planteatu dugun Arazo-Egoera 6. mailakoei harrera egiteko proiektua da. Link honetan proposamena ikusi eta deskargatu dezakezue
Arazo Egoera 1. maila ( ateak zabalik)

Proiektua matrikulazio kanpainaren inguruan egiteko diseinaturik dago. LH6. mailako ikasleak DBHra pasatuko dira, eta nahiz eta ikastetxe berean egon, espazioak, ordutegia, irakasleria eta ohiturak desberdinak dira. Batzuk DBHra pasatzeko irrikaz egongo dira, beste batzuk beldurrez, itxaropentsu… Eta nork ezagutzen ditu hobeto sentimendu hauek egoera berean pasa den urtean egon ziren ikasleek baino?
Egunotan mota guztietako ekitaldiak egongo dira matrikulazio kanpainaren inguruan: batzarrak, bisitaldiak, erakustaldiak eta abar. Bada 1. mailako ikasleak eragile bihurtuko ditugu 6. mailako ikasleen harrera egiteko institutua nolakoa den lagunarteko gutun baten bidez kontatuz.

Unitate didaktikoa egiteko erabili dugun materiala link honetan duzue eta librea da deskargatzeko.
ATEAK ZABALIK UNITATE DIDAKTIKOA

HONA HEMEN IKASLEEK EGINDAKO GUTUNAK

 

GU KAZETARI PROIEKTUA

Posted otsaila 7, 2017 egilea: ERETZA BERRI IKASTETXEAREN DBHko EUSKARA DEPARTAMENTUKO BLOGA
Kategoriak: DBH1.MAILA

Tags: , ,

GU KAZETARI. ARAZO-EGOERA

Posted otsaila 1, 2017 egilea: ERETZA BERRI IKASTETXEAREN DBHko EUSKARA DEPARTAMENTUKO BLOGA
Kategoriak: DBH1.MAILA

Tags: , , , ,
@Vegardig

Irudiaren jabegoa: @Vegardig

Aurtengo irailean kurtso hasierako ebazpena irakurri nuenean -lerro artean, aitortu behar dut- kontzeptu berri batekin egin nuen/genuen topo:  ARAZO-EGOERA. Egia esan, ohituta gaude urtero-urtero berrikuntza formalen batekin topo egiten, eta gero eta kexa gehiago entzuten da gure irakasle geletan bete behar ditugun paperak direla eta.

Baina zer demontre zen arazo-egoera hura? Kurtso hasierako anabasarekin,  ikasle berriak, irakasle berriak, liburu berriak, zerrendak, ordutegiak… etorri bezala lurrundu zen kontzeptu hori, ARAZO-EGOERA. Iraileko sargoriak eraman egin zuen…

Baina  urria heldu zen eta programazioei ekiteko eguna, ai ze nagia! Gainera,  goitik behera berrikusi behar genituen 2. eta 4. mailatan, HEZIBERRI bertan ezartzen zelako 16-17 ikastute honetan eta ARAZO-EGOERA berriro bihurtu zen hizpide jolasorduetako kafe orduan.

“Baina zer demontre da arazo-egoera hori??? ” Berriro. Ebazpenak zioena goitik behera irakurtzen genuen: Programazio didaktiko guztiek beren barruan eduki beharko dute, gutxienez, arazo egoera bat irakasmaila guztietan eta ikasgai bakoitzeko. Arazo egoera hori abiapuntu eta ikasketa eragile izango da, proposatuko den unitate didaktikoetariko  baterako programazio didaktikoaren edukien sekuentziazioa ezartzean. Arazo hitza zen  gehien nahasten ninduena… zer esan nahi du arazoak? ordenagailuak ez dabiltzala? wiifia hipermegamotel dabilela? Gure gelak txikiak direla eta ez dugula lekurik taldetan lan egiteko? Mikel neska lagunak utzi duela eta kontzentratu ezinik dabilela? Maria lodi dagoen kontuarekin tematurik dagoela eta ez duela ikasteko gogorik? Abdel kostata moldatzen dela euskaraz?

Bada, ez. Berritzeguneak emandako formazioaren arabera ARAZO-EGOERAK euskararen irakaskuntzan aspaldidanik ERRONKA moduan, EGOERA KOMUNIKATIBO ERREAL moduan egiten ditugunak dira… Hau da ezer berririk,ez. Horrek zer suposatzen du? Bada egiten ari ginena txukun erredaktatu eta biltzeari ekin behar geniola, besterik ez. Lan burokratikoa esango lukete batzuek, sistematiazioa eta praktika onak besteek…

Bueno, ba horra hor DBHko 1. mailan urtarrilean egindako ARAZO-EGOERA, laster barru emaitza ikusgai izango da. Nahi duenak, nahi duen moduan erabil dezake, librea da. Hori bai, iruzkintxo bat bota blog honetan, poztuko nintzateke… inork irakurtzen ez duen sentsazioa arintzen lagunduko lidake…

ARAZO-EGOERA IKUSTEKO SAKATUHEMEN

 

UNITATE DIDAKTIKOA IKUSTEKO SAKATU HEMEN

GURE OPORRAK

Posted abendua 4, 2016 egilea: ERETZA BERRI IKASTETXEAREN DBHko EUSKARA DEPARTAMENTUKO BLOGA
Kategoriak: AHOZKOA, DBH1.MAILA, Uncategorized

Tags: ,
9770206886_2f4b90fcdd_z-2

Irudia:©Hilts UK. Creative Commons

 

Nahiz eta oporrak apur bat urruti ditugun, oraindik ere ez ditugu ahaztu, hain izan dira onak uda honetan bizitako momentuak… Horregatik hiruhileko honetan ahozko aurkezpenerako landu dugun gaia GURE OPORRAK izan da. Klasekideei oporrak non eta nola pasatu ditugun kontatu diegu eta gure lanekin aurkezpen hau egin dugu zuek ere ikusi ahal izateko. Behean google maps-en bidez opor lekuen kokapen zehatza topa dezakezue. Bidaia on…

 

GU KIROLARI!

Posted urria 19, 2016 egilea: ERETZA BERRI IKASTETXEAREN DBHko EUSKARA DEPARTAMENTUKO BLOGA
Kategoriak: DBH1.MAILA

Uda honetan Olimpiadak ikusi ahal izan ditugu, zer nolako ahalegin eta esfortzua egin duten kirolariek! Guk ederto ikusi ditugu gure egongelako sofatik, batere izerdirik bota gabe, baina orain lan egiten hastea tokatzen zaigu. Proiektu honen bidez deskribapen eta azalpen testuen ezugarriez jabetuko gara eta Power point aurkezpen programa erabilita hainbat kirolen historia, materiala eta arauak azalduko ditugu. Hona hemen proposamen didaktikoa eta ikasleek egindako aurkezpenak:

 

 

 

 

 

 

 

 

 

 

 

 

 

 

 

 

 

 

 

 

 


%d bloggers like this: